台語進階---黃耀庭老師111-1台語交流道進階班報名系統

黃耀庭老師台語交流道是一个開班已經倚十年的課程，目前分做兩个班，咱這个班是進階班，主要招生對象是考過教育部閩南語認證B2的、對台語較有興趣，想欲探查台語較深的音字佮聲韻的、想欲進一步了解語言背後的文化的、抑是想欲教國中、高中，感覺需要充電進修的……的朋友；111年春季班預定3/11(五)7:00-9:30 PM開課，包括公民素養、校外教學攏總18週，學費有較懸淡薄仔（社大一般的收費3000箍），雜費有製證學100、報名費200、保險費200(合起來3500箍)，另外開學了班長加收200箍班費(冷氣佮講義等用)。其他請看課表：

台語交流道(大同班-進階)

授課教師：黃耀庭老師 0935-739372

學經歷：國立台北科技大學工管所、國立台北教育大學台文所碩士

新北市、台北市教育局本土語言(閩南語)教學支援工作人員認證合格
101~104年教育部語文競賽閩南語字音字形社會組新北市文山、板土分區第一名、南區第一名

103.105年教育部語文競賽閩南語字音字形社會組全國第五名

103.104年台北市中正區、社會局新移民『輕鬆學閩南語班』、『台語實用會話班』講師

現任：台北市大同社大『台語交流道』講師、文山區力行國小、新北市板橋區海山國小閩南語教師

台北市台灣語協會第六～十屆理事、台灣台語文化協會第一屆理事長

教學目標：弘揚台語語詞kah俗、諺語ê媠hām傳神，並拯救漸漸消失ê台語文化。

報名日期：111年1月3日起，到滇為止

課程時間：111年3月11日(五)~7月8日(五)，逐个拜五暗時7：00~09：30

教學方法：以教育部公布台羅拼音方案、推薦用字700字詞佮臺灣閩南語常用詞辭典(網路版)做基礎，對初階到進階、對發音到生活用語，閣再到鬥詞用字照起工來；另外結合在地特色kah綠能概念，減低對地球汙染，發揚本大同區人文素養。

招生人數：28人

費    用：依社大規定。

自費項目：向學員收取冷氣、講義費200元，開學後由班長統一收取、保管與運用。

ＰＳ：歡迎對台語有興趣抑是想欲參加教育部閩南語能力認證的朋友參加。

課程大綱：(時間kah課程進度會看需要調整)

週  次	日期	主題 / 內容
第 一 週	3/11	相見歡、課程、教典佮其他線頂台語網站內容、查詢方法簡介
第 二 週	3/18	陰陽合曆二十四个節氣的來源、時陣佮相關諺語簡介
第 三 週	3/25	較歹捌佮佇華語罕得看著的台語漢字(四)
第 四 週	4/1	詩詞對仗讀物──聲律啟蒙導讀(一)
第 五 週	4/8	詩詞對仗讀物──聲律啟蒙導讀(二)
第 六 週	4/15	詩詞對仗讀物──聲律啟蒙導讀(三)
第 七 週	4/22	較歹捌佮佇華語罕得看著的台語漢字(五)
第 八 週	4/29	台灣民間信仰──共同神、地方神佮相關較大的祭典
第 九 週	5/6	現代公民素養學程研討
第 十 週	5/13	較歹捌佮佇華語罕得看著的台語漢字(六)
第十一週	5/20	校外教學──走揣大同區文化特色
第十二週	5/27	先民對台灣的記載──台灣三字經導讀(一)
第十三週	6/3	先民對台灣的記載──台灣三字經導讀(二)
第十四週	6/10	先民對台灣的記載──台灣三字經導讀(三)
第十五週	6/17	台語民間文學──相褒歌認捌佮導讀
第十六週	6/24	台語民間文學──臆謎猜認捌佮導讀
第十七週	7/1	台語民間文學──講好話認捌佮導讀
第十八週	7/8	期末成績評量暨教學成果展